Samanlagt vóru inntøkur landskassans av skatti og avgjøldum 6,6 mió. kr. hægri fyrstu 5 mánaðirnar í ár samanborið við somu tíð í fjør. Avgjaldsinntøkurnar vóru 31,9 milliónir krónur hægri, meðan vanligi landsskatturin saman við eftirlønarskattiønum var 25,3 milliónir krónur lægri.
Vøksturin hevur verið serliga stórur í meirvirðisgjaldsinntøkunum, sum vóru 26,5 milliónir krónur ella góð 5% hægri fyrstu 5 mánaðirnar í ár samanborið við somu tíð í fjør. Skrásetingargjaldið hevur verið 4,4 milliónir krónmilliónir krónur hægri og aðrar avgjaldsinntøkur hava verið umleið 1 milliónir krónur hægri fyrstu 5 mánaðirnar í ár.
Vøksturin í meirvirðisgjaldinum á 5% hevur sostatt verið hægri enn vøksturin í lønum og øðrum veitingum, sum vórðu goldnar umvegis a-skattaskipanina. Her var vøksturin 4,2% fyrstu fimm mánaðirnar í ár samanborið við somu tíð í fjør.
