Fyrsta ársfjórðing í ár fekk Sjóvar kommuna 6.880.560 krónur í persónsskatti. Hetta er ein vøkstur í mun til somu tíð í fjør á 7,2 prosent.
Sambært viðhefta yvirliti er vøksturin í persónsskattinum serliga stórur í januar og februar í ár í mun til somu mánaðir í fjør.
Í mars í ár er bara ein lítil vøkstur í mun til mars síðsta ár, men samanlagt fyri hesar tríggjar mánaðirnar er samlaði vøksturin til 7,2 prosent.
Tað veit Sjóvar kommuna at siga.
