Trettanda umfar í Formula deildini bar við sær, at B36 ikki longur telist millum oddaliðini. Við sigri á heimavølli ímóti B36 tók AB seg nærri bjargingini. Tað gjørdi VB/Sumba eisini, tá ið suðuroyarliðið vann eitt stig á Skála. AB skoraði í yvirtíðini sigursmálið ímóti B36 við brotssparki.
Hjá KÍ versnaði støðan í botninum. Undan vikuskiftinum var KÍ á 8. plássi fimm stig frammanfyri bæði AB og VB/Sumba. Nú er KÍ bara tvey stig frammanfyri AB og fýra stig frammanfyri VB/Sumba.
EB/Streymur og NSÍ vunnu bæði í gjár. Tey eru oddalið, og nú er munurin frá teimum og aftur til B36 á 3. plássi trý stig.
13. umfar
EB/Streymur-KÍ 2-1 (2-0)
NSÍ-HB 1-0 (0-0)
AB-B36 2-1 (0-0)
GÍ-B71 3-2 (3-2)
Skála-VB/Sumba 1-1 (0-0)
Støðan
NSÍ 28 stig
EB/Streymur 28 stig
B36 25 stig
HB 20 stig
GÍ 19 stig
Skála 17 stig
B71 15 stig
KÍ 12 stig
AB 10 stig
VB/Sumba 8 stig
14. umfar
KÍ-HB mikudagin
VB/Sumba-NSÍ leygardagin
Skála-GÍ
B71-AB
B36-EB/Streymur
Tríggir teir síðstu dystirnir verða spældir sunnudagin.
