Ætlanin er nú at byggja nýtt Hotell í Nólsoy. Tað er Bjarti Thomsen í Nólsoy, sum hevur søkt Tórshavnar býráð um eitt stykki at byggja hottell á.
Ætlanin er at byggja hotellið syðst á stykkinum, matrikkulnummar 129a, sum er víst við gulum á myndini, beint niðan av gamla flakavirkinum í bygdini.
Og nú fer býráðið at viðgera umsóknina, um at seta eitt øki av til hotellbygging í Nólsoy.
Men áðrenn nakað kann byggjast, skal byggisamtyktin broytast, tí sum støðan er nú, er einki øki í Nólsoy sett av til slít endamál.
Og verður niðurstøðan í býráðnum tann, at byggiloyvið skal latast, fer umsitingin hjá býráðnum at taka stig til at broyta byggisamtyktina.
Afturfyri at lata stykki, skal býráðið hava eitt annað stykki hjá umsøkjaranum í býti. Tað er grannastykki, sum er matrikkulnummar 129b.
