Nevndin í P/F Havnar Fótbóltur hevur sett Albert Ellefsen í starv sum venjara hjá formula-liðnum hjá felagnum. Hetta saman við Frankie Jensen, sum verður hjálparvenjari. Í tíðindaskrivið sigur nevndin, at tey rokna við, at hesir báðir kunnu lyfta uppgávuna saman við spælarahópinum. Fremsta uppgávan verður her at vinna liðið í steypafinaluna, umframt at betra um støðuna í Formula-deildini. Felagið skal í altjóða kapping í næstu viku, tá ferðin gongur til Íslands at leika Champions League móti Íslendsku meistarunum úr Hafnafirði. Báðir hava teir lokið hægstu venjaraútbúgving, og Albert hevur harafturat drúgvar royndir sum venjari, m.a. sum hjálparvenjari hjá Havnar Bóltfelag í fleiri ár.
