Atgongumerkini verða seld í forsølu og fáast bæði til hvørt kvøldið fyri seg, ella við avsláttri fyri bæði kvøldini. Tað er longu greitt, hóast fleiri nøvn ikki eru almannakunngjørd enn, at her verður talan um eitt frálíkt vikuskiftið við sera góðum norðurlendskum og føroyskum nøvnum.
Higartil eru hesi nøvn kunngjørd úr Íslandi Ampop, úr Grønlandi Angu, úr Svøríki Molinder Band, úr Noregi Grand Island, úr Danmark Die Dumme Dänen og úr Føroyum Deja Vu, 200 og Gestir.
