Tað boðar felagið frá.??Atlantic Petroleum framleiddi 449 túsund tunnur av kolvetni fyrra hálvár 2012, sum er tað mesta felagið hevur framleitt fyrstu 6 mánaðirnar í einum ári. ??
Sølan, sum var 279 milliónir krónir, er tað mesta felagið hevur haft fyri eitt hálvt ár. Úrslit áðrenn rentur og skatt fyrra hálvár 2012 var 77,2 milliónir krónur.
Gjaldførið hjá felagnum er nú 275,4 milliónir krónur.??
Ben Arabo, stjóri í Atlantic Petroleum, sigur, at framleiðslan fyrra hálvár varð hægri enn roknað varð við, og tí økir felagið sínar metingar til framleiðsluna fyri árið: frá 700 – 800 túsund tunnur til 800 – 870 túsund tunnur. Felagið væntar eisini betri úrslit áðrenn avskrivingar og leitikostnað fyri árið: frá 200 – 270 milliónir krónir til 270 – 350 milliónir krónur.??
Sannlíkt er eisini, at Atlantic Petroleum, fer at luttaka í trimum leiti- ella avmarkingarbrunnum afturat í ár. Umframt Spaniards brunnin, sum verður boraður seinni í ár í bretskum øki, er felagið í sámráðingum um at luttaka í tveimum øðrum brunnum. Harumframt gjørdi felagið eitt fund á Orchid leiðini í bretskum øki í vár og luttekur í Brugduboringini sum fer fram á føroyskum øki í løtuni.
