Venjarin hjá Kyndli, Bárður Johannesen heldur tað ikki verða nakra katastrofu, at liðið hjá honum tapti 28-31 ímóti oddaliðnum KÍF á útivølli.
Bárður Johannesen fegnaðist um eitt nógv betri leikligt avrik, enn tað Kyndil legði fyri dagin í steypakappingini, tá Kyndil tapti 26-34 ímóti KÍF í steypakappingini.
- Ì dag mangla vit fleiri spælarar, so tað bleiv ógvuliga tunt á beinkinum, staðfesti Bárður Johannesen.
Ási Dam hjá KÍF var samdur, at tað gjørdi mun við orkuna, at teir í KÍF kundu skifta fleiri spælarar inn.
Tað ber til at hoyra prátini Tróndur Arge gjørdi við Bárð Johannesen og Àsa Dam undir greinini.
