Nú skulu fleiri fólk gjalda meira í negativari rentu til BankNordik.
Bankin boðar í dag frá, broytingar verða gjørdar í ymiskum rentum og kostnaðum.
Eitt nú verður upphæddin, sum er undantikin negativa rentu á innistandandi hjá privatum, lækkað úr 350.000 krónum og niður í 150.000 krónur.
Negativa rentan á innistandandi hjá privatkundum verður broytt frá -0,60% til -0,75% – tað vil siga, at meira skal gjaldast í negativari rentu.
Sum nakað nýtt BankNordik nú at bjóða privatkundum eina samansparingarkontu við 0% í rentu á innlánum millum 100.000 kr. og 5.000.000 kr. Kontan hevur 12 mánaða uppsøgn, og í minsta lagi 100.000 kr. skulu setast inn á kontuna.
BankNordik boðar frá hesum broytingum, sum koma í gildi frá 16. august:
Rentan á innlánum hjá privatkundum verður broytt úr -0,60% til -0,75%.
Upphæddin, ið er undantikin negativari rentu verður broytt úr 350.000 kr. til 150.000 kr.
Tað fer at bera til at hava tríggjar vanligar innlánskontur uttan at gjalda negativa rentu, um upphæddin á kontunum ikki fer upp um ávikavist 100.000 kr., 25.000 kr. og 25.000 kr.
Rentan á pensjónskontum verður broytt úr -0,60% til -0,75% frá fyrstu krónu.
Børn og ung undir 29 ár eru framvegis undantikin negativari rentu.
