Tað var serliga í Suðuroy, at stormurin gjørdi um seg fyrrapartin við nøkrum skaðum kring um í onkrum av bygdunum í oynni.
Sum tíðin gekk, herjaði stormurin eisini á norðari á landi, og veðrið gjørdist ógvuliga ónossligt við nógvum vindi og vátaslettingi.
Bilurin á myndini, sum í morgun stóð á parkeringsplássinum við miðnámsskúlan í Hovi, endaði rættiliga langt niðri í bønum.
Onkur annar bilur feyk eisini á parkeringsplássinum við miðnámsskúlan og gjørdi skaða á aðrar bilar.
Um fólk kring landið eiga myndir av illveðrinum, eru tey vælkomin at senda tær til post(at)sosialurin.fo og leggja ein tekst við.
