Grønlendska deildin av fakfelagnum DJØF hevur fingið nýggja leiðslu, og tað er Mira Kleist, ið er forkvinna, og næst henni er Birita í Dali av Tvøroyri, sum býr í Grønlandi.
Hetta skrivar Sermitsiaq.
DJØF er fakligur felagsskapur fyri útlærd og lesandi innan jura, økonomi og samfelagsfrøði, og tað eru eini 90.000 limir í DJØF í Danmark og aðrastaðni.
Í Grønlandi verða nevndarlimirnir valdir innan grønlendska Sjálvstýri, Inatsisartut, Kommunurnar, Grønlendska Universitetið, Umboðsmannin fyri Inatsisartut, Nukissiorfiit og Grønlendska Handilsskúlan.
