Í dag vóru innleiðandi dystirnir í bólki B leiktir í EM-endaspælinum í fótbólti hjá kvinnum, ið verður leikt í Sveis.
Á Stade de Genéve leikvøllinum í Genéve eydnaðist tað Svøríki at vinna 1-0 á Danmark, ið ikki hevur Jóhonnu Fossdalsá Sørensen við í hópinum til EM-endaspælið. Filippa Angeldal skoraði sigursmálið í 55. minutti.
Á Kybunpark leikvøllinum í St. Gallen var Týskland greitt omaná móti Póllandi, ið tekur lut í sínum fyrsta EM-endaspæli nakrantíð. Tað var ikki fyrrenn í seinna hálvleiki, at tað loysnaði hjá teimum týsku kvinnunum. Jule Brand og Lea Schüller syrgdu við hvør sínum máli fyri, at Týskland vann dystin 2-0.
Danmark-Svøríki 0-1 (0-0)
0-1 Filippa Angeldal ('55)
Týskland-Pólland 2-0 (0-0)
1-0 Jule Brand ('52)
2-0 Lea Schüller ('66)
Í morgin vera innleiðandi dystirnir leiktir í bólki D. Klokkan 17 spæla Wales og Niðurlond, og klokkan 20 spæla Frakland og Ongland.
