Birna Breckmann hevur skrivað sína fyrstu skaldsøgu. Hon hevur áður givið annað sløg av bókum út. Nýggja bókin eitur »Laura« eftir høvuðspersóninum í bókini.
Í umrøðu av bókini verður skrivað soleiðis:
»Laura er ein viljasterk ung genta, við undurvøkrum reyðum hári og grønum eygum, sum býr saman við mammuni heima hjá abba og ommu síni. Hon kennir ikki pápa sín, tí hann flutti heimaftur til USA uttan at vita, at mamma Lauru var við barn.
Táið mamman hittir John og ger av at giftast við honum, og tey fáa ein son saman, broytist teirra lív á so mangan hátt. Abbin og omman eldast og doyggja, og tá verður tað Laura, sum verjir mammu og beiggja sín ímóti tí ringu vend, sum lívið hjá John tekur, og sum ávirkar tey øll skeivan veg.
Laura veksur til og ger av í loynd at fáa samband við pápa sín í USA. Tað skapar teimum nýggjar og spennandi møguleikar.
»Laura« fæst nú í bókabúðunum og kostar 150 kr eintakið. Bókin er góðar 120 blaðsíður, lætt skrivað og lætt lisin.«
##med2##
