Løgreglan fekk fráboðan um tað og kom á staðið og burturvísti fólkini.
Tað vísti seg tó, at nógv illgrunasamt varð funnið á hotelkamarinum, so løgreglan fekk illgruna um okkurt lógarbrot.
Har vóru fleiri fløskur av brennivíni og annað, sum varð stolið nøkrum skeinkistøðum í Havn.
Løgreglan fór tí aftur eftir fólkunum og fekk fatur á teimum.
Tað vísti seg, at tey høvdu brotið inn og stolið í nøkrum skeinkistøðum í Havn.
Trý fólk eru skuldsett í málinum, sum løgreglan arbeiddi við í allan gjár, sigur vaktleiðarin á politistøðini í Havn.
Tey vórðu ikki framsett í grundlógaravhoyring, men leyslatin við skuldseting. Onkur av teimum hevur játtað, meðan onkur annar sigur seg einki kenna til nakað tílíkt.
– Men vit hava góð spor, sigur vaktleiðarin á politistøðini.
