Í morgun varð arbeiðstakarasáttmáli undirskrivaður millum byggivirkið KBH og Nes kommunu um bygging av nýggjum áskoðarskýli á Svangaskarði báðumegin verandi bygning.
- Pláss verður fyri meira enn 300 sitandi áskoðarum. Aftanfyri áskoðaraplássini verður eisini ein breiður plattur, siga tey í Nes kommunu í dag.
Kommunan tók av lægsta tilboðnum uppá verkætlanin, sum var frá KBH. Súni í Hjøllum, borgarstjóri, undirskrivaði fyri Nes kommunu, og Helgi Johannesen, stjóri, undirskrivaði fyri KBH.
Miðjað verður eftir at hava helmingin av skýlinum liðugt í summar, og seinni parturin verður so liðugur til heystar.
Sandavágs Timburhandil fer at veita stálkonstruktiónina. Teknistovan í Gøtu og Spenn hava staðið fyri projekteringini. Fyri Nes kommunu verður tað Teknistovan í Gøtu, sum fer at hava byggileiðsluna og eftirlitið.
##med2##
