24. august. Bartalsmessa ella bartalsøka. Til minnis um lærusveinin Bartolomeus. Navnið merkir sonur Ptolemeusar. Tann 24. august 1943 var eitt løgtingsval, sum varð rópt bartalsmessuvalið.
Tað var hendan dagin í 1991, at Mikhail Gorbatjov legði frá sær sum aðalskrivari hjá sovjettiska kommunistaflokkinum og mælti til, at flokkurin varð tikin av. Sama dag lýsti Ukraina seg sum sjálvstøðugt land – leyst av Sovjetsamveldinum.
Palestinski leiðarin, Yasser Arafat, varð føddur hendan dagin í 1929 og hevði fylt 84 ár í dag. Hann doyði í 2004.
