Fríggjadagin 5. desembur kl.16.00 letur framsýningin “Skiftir” við Edith Mørkøre upp í Smiðjuni í Lítluvík. Borðreitt verður við góðum til góman - og øll eru vælkomin.
Framsýningin fevnir um málningalist og grafikk.
Edith sigur soleiðis um framsýningina:
“Eg finni íblástur til mítt listarliga arbeiði í føroysku náttúruni, í fólkinum, sum her býr, í vøkstrinum, í fuglalívinum, í strukturunum í náttúruni, í skiftandi veðurlagnum og í gerandisdegnum.”
“Framsýningin hevur heildarheitið “Skiftir”.
Íblásturin stavar frá skiftum í mínum egna lívi, skiftum, sum fólk rundan um meg uppliva, skiftum í náttúruni og skiftum úti í heimi.
Um listakvinnuna:
Edith er autodidakt listafólk og hevur seinastu mongu árini havt listina, sum sítt høvuðsstarv.
Hon hevur við jøvnum millumbili listaframsýningar her heima og uttanlands.
Eitt nú er Edith í løtuni við á stóru føroysku grafikkframsýningin hjá ListGraFo í Grafiska Sällskapet í Stockholm. Fleiri spennandi framsýningar vera uttanlands komandi árið.
Er limur í Fyns Grafiske Værksted, ListGraFo og er í nevndini fyri ListGraFo.
Soleiðis er opið frá 5. til 9. desembur:
Fríggjadag kl 16.00 til kl 19.00 - Fernisering
Leygardag kl 12.00 til kl 17.00
Sunnudag kl 14.00 til kl 17.00
Mánadag kl 12.00 til kl 17.00
Týsdag kl 12.00 til kl 17.00
