Tað var bókstaviliga toppur og botnur, sum hittust í Trongisvági leygardagin, tá TB tók ímóti ÍF. TB, sum spælir sítt fyrsta kappingarár í Eik-liguni, eigur enn fyrsta stigið til góðar, men fekk eitt sett fyri viku síðani ímóti Mjølnir. ÍF er hinvegin oddalið í bestu mansdeildini, so fortreytirnar hjá liðunum vóru ymiskar.
Fyrstu løtuna av fyrsta setti fylgdi TB við, men miðskeiðis í settinum fór ÍF avstað. Fleiri, ið kanska ikki hava spælt so nógv í hinum dystunum hjá ÍF, sluppu at royna seg frá byrjan, og hinvegin var eitt nú Rúni Weihe ikki inni í fyrsta settinum.
Tey bæði seinnu settini broyttist dysturin ikki stórvegis, men heldur gjørdist uppaftur greiðari, at munur altso er á toppi og botni. ÍF stýrdi spælinum frá byrjan til enda og vann, sum væntað, eisini ein greiðan 3-0 sigur.
