Hóast USA hevði lovað at rinda stóra finningarløn, um onkur kundi avdúka, hvar Osama bin Laden fjaldi seg, verður eingin finningarløn latin, nú hann er beindur av vegnum. Aftan á yvirgangin tann 11. september í 2001 lovaði USA 25 milliónir dollarar í finningarløn, men í 2004 tvífaldaði Kongressin talið til 50 milliónir dollarar.
Men sambært amerikonsku myndugleikunum verður eingin finningarløn latin.
-Mær kunnugt var tað ikki nakar, sum segði okkum, at Osama bin Laden var í Green Avenue 5703 í Abbottabad, sigur Jay Carney, sum er ein av talsmonnunum hjá Hvítu Húsunum.
Eitt uppskot er, at finningarlønin verður latin avvarandi hjá teimum, sum doyðu 11. september í 2001.
