Hondbóltur
Stjørnan gav ongar gávur, tá VB sunnudagin royndi at betra um sínar møguleikar at røkka FM-finaluni annað árið á rað.
Eftir tapið hjá VB móti Neistanum fyri viku síðani er trýstið á VB vorðið munandi størri, og tí skuldu tær helst hava stig við sær, tá tær fóru undir truplastu hugsandi uppgávuna. Nevnliga móti Stjørnuni í Klaksvík.
VB er kanska tað liðið, sum hevur havt besta takið á Stjørnuni seinnu árini, men tað hevur verið á heimavølli, at bestu úrslitini eru komin. Á útivølli hevur ikki gingist eins væl, men sunnudagin hekk VB tó leingi heilt væl í oddaliðnum.
Munurin fyri steðgin var lítil og eingin, og tó at Stjørnan eftir steðgin var á odda alla tíðina, so helt spenningurin sær, til bert 10 minuttir restaðu. Tá prógvaði heimaliðið enn einaferð, at tær eru tað liðið í landinum, sum hevur størstu orkuna, og við at halda speedaranum niðri, runnutær reyðu gestirnar umkoll.
Fakta um dystin
Stjørnan-VB 25-21 (11-10)
10 min: 4-2
20 min: 6-6
40 min: 17-14
50 min: 20-17
Málskjúttar
Stjørnan: Simona Petersen 8(2), Durita Christophersen 6, Joan Midjord Djordjevic 4, Bára Skaale Klakstein 3, Anna Kristina Samson 3, Durita Mikkelsen 1
VB: Daiva Toumaite 12(3), Svava Vestergaard 4, Monika Samuelsen 2, Una Egilsdóttir 1, Laila Jespersen 1, Christina Holm 1
Brotskæst: Stjørnan 2, VB 2
Útvísingar: Stjørnan 1
Dómarar: Hans Thomassen & Hanus Kúrberg.
Mynd: Stjørnan-VB
savnsmynd
