Eina góða løtu sá tað út til, at næstbesta AB liðið skuldi vinna øll stigini við sær til hús eftir vitjanina hjá EB/Streymi við Margáir í dag.
Síðstu sjey minuttirnar undan steðginum vórðu trý mál skorað. Fyrst legði AB seg framum 1-0 og 2-0 í ávikavíst 38. og 40. minutti, og tveir minuttir undan steðginum minkaði heimaliðið um munin. Í báðum førum var Ari Johannesen málskjútti hjá AB, meðan tað var Árni G. Olsen, sum fyri EB/Streym minkaði um munin.
AB var á odda, inntil tað restaðu seytjan minuttir. Tá javnaði Ólavur Ejdesgaard til 2-2, sum varð úrslitið.
EB/Streymur hevur 4 stig fyri 6 dystir, og AB hevur 11 stig fyri 7 dystir.
