Fleiri dystir hava verið spældir í Premier League í dag. Mest spennandi uppgerðin var á Amex Stadium í Brighton, har Brighton tók ímóti Liverpool. Brighton hevur verið kent fyri at verið væl skipað hetta kappingarárið, har fá mál eru farin ígjøgnum.
Men tey eyðkennini sást lítið aftur til í dag. Liverpool bankaði nevniliga Brighton av við stórsigri. Endaliga úrslitið av dystinum endaði við einum 5-1 sigri til Liverpool, eftir hálvleiksstøðuna 2-0. Hjá Liverpool skeyt Roberto Firmino tvey mál. Hini málini skutu Emre Can, Philippe Coutinho, og var seinasta málið í dystinum sjálvmál. Málið hjá Brighton skeyt áleyparin Glenn Murray.
Av øðrum dystum vann Everton í dag annan sigurin á rað, tá Sam Allardyce á fyrsta sinni stóð á odda fyri Everton. Everton vann 2-0 á heimavølli móti Huddersfield. Hjá Everton skutu Gylfi Sigurdsson og Dominic Calwert Lewin málini.
Øll úrslitini í Premier League í dag:
Chelsea – Newcastle 3-1
Brighton – Liverpool 1-5
Everton – Huddersfield 2-0
Leicester – Burnley 2-0
Stoke – Swansea 2-1
Watford – Tottenham 1-1
West Bromwich – Crystal Palace 0-0
