- Mangir eru leikirnir í longum talvi.
Soleiðis skrivar borgarstjórin í Sunda kommunu, Eyðstein Zachariasen, á sínum Facebook-vanga í kvøld.
Hann vísir á, at vit skulu heilt aftur til mars í 2021, tá hann sum býráðslimur á fyrsta sinni setti ynskið fram um at fáa frítíðarkortið til politiska viðgerð.
- Tá atkvøtt hevur verið, hevur frítíðarkortið verið niðurstemmað, og tá fíggjarætlanin fyri Sunda kommunu áður hevur verið fyri, so hevur frítíðarkortið ikki verið raðfest.
Men, nú bragdaði.
- Flest øll vita, at frítíðarkortið hevur verið eitt hjartamál, síðan eg stillaði upp til kommunuval á fyrsta sinni, men tú gert einki einsamallur.
##med2##
Og borgarstjórin leggur aftrat á sínum Facebook-vanga í kvøld:
- Ein stór tøkk skal ljóða til allar býráðslimirnar, sum hava tikið undir við fíggjarætlanini fyri 2026. Fyri fyrstu ferð er ein játtan tøk til at seta frítíðarkortið í verk í Sunda kommunu.
Eyðstein Zachariasen sigur seg fegnast, samstundis sum hann sigur seg vóna, at frítíðarkortið verður til gagns fyri øll børn í kommununi.
- Málið er, at vit sum kommuna vilja ganga á odda innan eitt gott og trygt umhvørvi fyri ung at veksa upp í, leggur borgarstjórin aftrat.
