Føroyar handað bókmentavirðisløn

Í ár fingu Føroyar heiðurin at handa Bókmentavirðisløn Norðurlandaráðsins, sum hesuferð var latin norska skaldinum Per Petterson

Anna V. Ellingsgaard

28.10.2009 (12:04)

<style type="text/css">   <o:p> </o:p> Tað gjørdist Bergur Djurhuus Hansen, sum vegna dómsnevndina í ár fekk heiðurin at handa størstu norðurlendsku virðislønina í bókmentum, Bókmentavirðisløn Norðurlandaráðsins á 350.000 krónur Fyrr í ár samdist dómsnevndin um at lata norska stórskaldinum Per Petterson virðislønina fyri 2009, og sjálv handanin fór fram á stórum hátíðarhaldi í Stokkholm í gjárkvøldið. <o:p> </o:p> 
Gløgg og vøkur prosa Per Petterson fær virðislønian fyri skaldsøguna Jeg forbanner tidens elv og í røðuni til handanina, lat Bergur D. Hansen ongan iva vera um, at talan er um eina heilt sermerkta frásøgn, sum longu sæst í heitinum. - Tað krevur dirvi at skriva eina skaldsøgu við heitinum "Jeg forbanner tidens elv". Heitið bendir á eina vónleysa og alt ov menniskjaliga trongd at seta seg út um tíð og stað. Og heitið er tvíbundið, øðrumegin er tað stórsligið, næstan mytiskt og á tremur við veldugum treiskni, hinumegin avdúkar tað impotent ráðaloysi og resignatión, staðfesti Bergur D. Hansen í røðini. Hann legið afturat, at tað er tankavekjandi at heitið stavar frá eini yrking hjá Mao, har uppreistrarsinnaði politiski leiðarin vísir seg sjálvan sum eitt menniskja uttan makt yvir grundleggjandi treytunum í tilveruni. Í røðuni vísti Bergur D. Hansen á, at sermerkta styrkin hjá Petterson í hesi skaldsøguni er hansara sjáldsama vakra og gløgga prosa. Grundleggjandi snýr skaldsøgan segi um tørvin hjá menniskjanum á nærleika, lívssamanhangi og endurloysn, og hon verður til stóra list í sínum máli.  - Tí sjálvt um frásøgnin um Arvid Jansen býr í søgugongdini, so kemur hennara søk fram í sjálvum málinum - í fínu, stillisligu prosaini hjá Pettersen, har orðini leggja seg kring tøgnina, sum tað ongantíð eydnast persónunum at bróta, segði Bergur D. Hansen, sum við hesum orðum handaði Per Petterson Bókmentavirðisløn Norðurlandaráðsins 2009 <o:p> </o:p> 
»Kult gjort« Kanska ikki heilt óvænta takkaði Petterson við eini frásøgn, ið næstan kundi verið tikin beint úr onkrari av hansara bókum. Frá pallinum mintist Petterson pápa sín, sum arbeiddi á skógvafabrikkini, sum elskaði cowboybøkur, men lat heimsklassikaranar standa til pynt í síni útskorðnu reol. Og mammu sína, sum arbeiddi á sjokolátafabrikkini, sum las alt, men ikki átti eina einastu bók. - Høvdu tey sæð meg nú, høvdu tey svímað av smædni, men tað má vera harvið. Eg takki teimum allíkavæl, segði Petterson í tí hann eisini takkaðu dómsnevndini fyri at hann slapp at uppliva hetta »Det var kult gjort«, segði Per Petterson <o:p> </o:p> Øll við Í stuttari viðmerking sigur Bergur D. Hansen, at tað var stuttligt at sleppa at handa Per Petterson heiðurslønina. Sjálvur heldur hann Petterson vera ein framúr góðan stílist, hvørs prosa má metast at vera heilt einastandandi í mátanum, hon bæði er klók, vøkur og grúsom í senn. . Tað mest sermerkta er kanska, at hann megnar at skriva bøkur á sera høgum málsliga listarligum støði, sum øll kortini lættliga kunnu lesa, sigur Bergur D. Hannsen. Hetta er aðru ferð føroyska umboðið handar Bókmentavirðisløn Norðurlandaráðsins. Seinast var í 2003, tá Turið Sigurðadóttir handaði Evu Strøm virðislønina. <o:p> </o:p>

Føroyar handað bókmentavirðisløn

Mest lisið

Hoyrdi kavbátin spreingjast og mannin doyggja

Myndir: Hip Hop Summarsýning 2025

Soleiðis atkvøddu tey um kirkjuna á Argjum

Trailari steðgaði upp í rundkoyring

”Teir kunnu bara keypa seg úr samtakinum”

Víkingur Reykjavík er fremst

Banna ikki fartelefon í skúlum fyri næsta skúlaár

KA vann á Afturelding á heimavølli

Iranskur filmur vann Gullpálman á Filmsfestivali í Cannes

Betri kvinnur: NSÍ vann 10-1 á FC Hoyvík