Sunnudagin 17. mars verður spennandi familju-tiltak í Argja kirkju. Byrjað verður við familjugudstænasta klokkan 11.00.
Mariann Poulsen av Strondum sigur frá fyri børnum og vaksnum, og gentur av Strondum syngja.
Eftir gudstænastuna verður døgurði fyri øll. Og eftir tað fer Fróði Madsen at hava ein áhugaverdan fyrilestur um evnið »Kristna familjan í postmodernaðum høpi«.
Øll eru vælkomin, sigur Bergur Debes Joensen, prestur.
