Landsliðsmálverjin, Mattias H. Lamhauge og liðfelagarnir í FC Fredericia hava verið í tungum sjógvi í bestu donsk fótbóltsdeildini. Men í kvøld bragdaði.
Frammanfyri 19.100 áskoðarum á leikvøllinum í Brøndby vann FC Fredericia ein ótrúligan og óvæntaðan 3-1 sigur á Brøndby, ið hevði eina stóra favorittstøðu undan dystinum. Í seinna hálvleiki fekk Brøndby tveir leikarar vístar av vøllinum. Marko Divkovic og Noah Nartey fingu beinleiðis reytt kort.
Jacob Ambæk legði Brøndby á odda í 12. minutti, men áðrenn steðgin hevði Fredericia lagt seg á odda 2-1. Fyrst javnaðu teir við einum sjálvmáli, og so var tað Oscar Buch, ið legði Fredericia á odda 2-1. Seint í seinna hálvleiki økti Eskild Dall til 3-1.
Mattias var ein av trimum leikarum, ið fekk besta karakterin frá Soccerstand/Flashscore fyri sítt avrik. Mattias fekk 7,4 (av 10). Lokali miðilin, Fredericia Dagblad staðfestir eisini eitt gott avriki hjá Mattiasi.
Sigurin er søtur hjá Fredericia, ið hevði tapt átta dystir á rað undan bragdinum á leikvøllinum í Brøndby í kvøld.
Fredericia er næstaftast í superliguni við 14 stigum.
Fríggjakvøldið klokkan 18 spælir Fredericia seinasta dystin undan vetrarsteðginum, tá OB kemur á vitjan á Monjasa leikvøllinum.
