Í Sandoynni eru fleiri vøtn, og síl eru á teimum flestu - fyri ikki at siga á teimum øllum.
Vanligast er, at fólk fiska á Sandsvatni, Gróthúsvatni, Stóravatni ella Lítlavatni, tí hesi vøtnini liggja nærmast vegnum.
Men, tað eru eisini fleiri, sum royna eydnuna niðri á lónni á Sandi.
- Mølheyggjar og lógvin á Sandi eru perlur uttan sín líka, siga tey í Sands kommunu.
Á Facebook-síðuni verður sagt, at her standa javnan bæði síla-og laksafiskarar, og til tíðir er eisini fongur at fáa.
- Nú um dagarnar fekk ein av okkara egnu, Allin Simonsen, eitt sera stórt síl, sum vá átta pund og var 80 sentimetrar langt, verður lagt aftrat.
##med2##
