Í dag boðar Runavíkar kommuna frá, at stór elementir í kvøld skulu flytast av økinum við fótbóltsvøllinum við Løkin og inn til Glyvra skúla.
Flytingin, sum fer fram í tímunum frá klokkan 20 til 22 í kvøld fer at merkja, at ferðslan verður tarnað.
- Vit heita tí á bilførarar um at vísa størsta varsemi.
Í Runavíkar kommunu hava tey í dag eisini eina aðra fráboðan, sum snýr seg um morgindagin, leygardagin 22. november.
- Tá verður vegastrekkið frá Glyvravegi 30 yvir til Dalaveg/ Missiónshúsið stongdur fyri allari ferðslu frá kl 8.30, og til arbeiðið er liðugt.
Í sambandi við hesa seinnu fráboðanina vísa tey í Runavíkar kommunu til Fjøruvegin.
##med2##
