Hetta vikuskiftið eru í Betesda í Klaksvík bæði árliga ungdómsstevnan og markering av, at tað eru fimmti ár síðani, at fýra unglingar í samkomuni fóru av landinum við trúboðanarkalli. Teir eru allir heima og taka lut á stevnuni.
Talan er um Jógvan Purkhús, Hans Sivertsen, Páll Poulsen og Óla á Grømma, sum í 1963 fóru til Íslands.
Jógvan Purkhús hevur síðani verið í Íslandi. Hans Sivertsen hevur í meiri enn fjøruti ár verið í Grønlandi og Óli á Grømma hevur síðani miðskeiðis í seksti árunum verið í missiónsfelagsskapinum NTM. Hann býr í USA. Páll Poulsen hevur í fleiri skiftum verið í Grønlandi, har hann nú aftur hevur verið í nøkur ár. Í síni tíð var hann í fleiri ár í leiðsluni í Zarepta.
Stevnan í Betesda endar í dag.
Myndin varð tikin í gjár: Frá vinstru: Páll Poulsen, Óli á Grømma, Hans Sivertsen og Jógvan Purkhús.
