Aftur hesa vikuna eru fleiri nýggj partafeløg skrásett í Føroyum, tó at broytingarnar í partafelagsskránni hesa vikuna endurspegla, at fleiri eru farin á húsagang. Tað sæst á vikuliga yvirlitinum hjá Business-Line.
Óðin's Workshop er navnið á einum íverksetarafelag, sum Finn Haraldson, Tordur Absalonsson Hansen, Birgir Matras Simonsen, Karstin Tórbjørnsson Petersen og Jógvan í Garði hava stovnað.
Óðin's Workshop skal í høvuðsheitum arbeiða við at menna telduspøl.
Eitt nýtt reiðarí er skrásett, NTS Shipping Færøyene, sum er eitt dóttirfelag hjá norska felagnum NTS ASA. Jónas Sigmarsson er stjóri í felagnum.
Enn ein pitsamatstova fer at síggja dagsins ljós. Tað er Kevin Chukwudi Ugwa, av Norðskála, sum er stjóri í felagnum.
Og so er ein háfríðkanarstova eisini sett á stovn, sp/f Ráh. Har er Annika Poulsen stjóri.
Allar broytingarnar eru at síggja á yvirlitinum hjá Business-Line.
