Eitt er at syngja og spæla, annað at skriva orð og lag, men onkur skal syrgja fyri, at tónleikurin ljóðar gott á útgávuni. Ársins framleiðari skal tí eisini heiðrast á FMA.
Í ár er tað Niklas Johannesen, sum er kosin sum ársins framleiðari, fyri útgávuna Eagle in the Sky hjá konuni, Lenu Anderssen.
Hetta er onnur virðislønin, sum Eagle in the Sky fær í kvøld. Hin fyrra var fyri ársins húsa. Levi Mørk úr Vága kommunu handaði honum virðislønina.
Undanfarnu vinnararnir eru Baroli Music í 2014, Janus Rasmussen í 2015 og Tróndur Bogason í 2016.
Hinir tilnevndu til ársins framleiðara vóru:
Benjamin Petersen fyri Haphe hjá Konni Kass
Janus Rasmussen fyri Funeral hjá Heiðrik
Jens L. Thomsen fyri Vað hjá Orka
Mikael Blak/Fred Ruddick og 200 fyri Reytt pass hjá 200
