Landstýriskvinnan Sirð Stenberg skuldi handa størsta heiðurin við FMA.
Men ístaðin fyri at viðkomandi, ið fekk heiðurin, kom upp til hennara á pallinum, fór Sirið yvir til hansara.
Tað var nevniliga Jóan Jakku Guttesen, ið fekk henda stóra heiður. og hann stóð klárur við bassi um herðarnar og skuldi framføra, so Sirð fór á tónleikapallin at handa honum heiðursgávuna, ið ein sjónliga rørdur Jóan Jakku tók ímóti. Fámæltur og lítilátin, sum eyðkent er fyri henda mannin, ið fyri nøkrum árum síðani fór um sjeyti - tó tað ikki sæst, tók hann ímóti, og so framførdi hann saman við Sámali Ravnsfjall og øðrum.
Jóan Jakku hevur í mong áratíggju verið við til at mynda føroyska tónleikapallin og eigur nógvar av sangunum, ið vit í dag nevna fólkaogn.
##med2##
