Nú Grimsby er á manna munni í samband við ótrúliga sigurin yvir Manchester United herfyri, er vert at nevna, at Grimsby í sínari tíð hevði ein risastóran trolaraflota sum fiskaði við Ísland, í Norðurhøvum og nógv á okkara egna Føroyabanka.
Grimsby var ein býur, sum var sera væl fyri av fiskiskapinum, og á marknaðinum í Grimsby seldu nógv føroysk skip sína veiði, og her vóru føroyingar vælkendir og væl lýddir.
Sum tíðirnar broyttust, og fiskimørk komu, hvarv hesin floti, og Grimsby gjørdist millum fátækastu partar í Stórabretland við sera stórum arbeiðsloysi.
Bretar høvdu stóran áhuga fyri Føroyabanka - ikki bara at veiða, men eisini at granska á hesum dýrgripi, og tað var serliga skipið, Sir Ernest Holt, við heimstaði í Grimsby, sum í nógv ár granskaði á Bankanum.
Uttan iva munnu nógv eldri fólk í Grimsby í dag leingjast eftir aftur at smakka Faroe Bank-haddock og Faroe Bank-cod. Veiðan á okkara Føroyabanka bjargaði mongum í Grimsby úrtøkuna.
Vit her á landi kunnu so gleða okkum til at smakka fiskin av Føroyabanka, tá vælumtóktu Føroyabanka-kvøldini verða aftur í matstovunum, Áarstovu og Barbaru, hin 19. september og 20. september.
Vit kunnu bara vóna, at veiðan hjá havrannsóknarskipinum, Jákupi Sverra, sum fer út á Bankan um hálvan september, fer at roynast.
##med2##
##med3##
