- Roynhøllin verður fyribils stongd fyri almenninginum vegna herverk.
Tað siga tey í Hvalbiar kommunu.
Víst verður á, at fyrr í ár gjørdi kommunan av at steingja Roynhøllina í nakrar dagar vegna herverk, og tíverri má høllin nú steingjast av tí sama.
- Hetta er sera harmiligt, men neyðugt, tí herverk er ikki í lagi og verður als ikki góðtikið.
Í Hvalbiar kommuna heita tey inniliga á foreldur um at taka eitt prát við síni børn og ungu um týdningin av at fara væl um og minna tey á álvaran í hesum.
- Tí herverk kann fráboðast løgregluni og fáa avleiðingar, verður lagt aftrat.
Í kommununi vísa tey á álvaran í hesum og siga, at eldur fleiri ferðir er settur á pappír í ruskspannum.
- Klæðir eru eisini trýst niður í wc-kummurnar, so tær tippast, og ymiskt er knúst og oyðilagt, siga tey í Hvalbiar kommunu.
