Eftir at USA í gjár segði, at landið ikki vil veita Ukraina fregnartænastuhjálp meira, hevur Frakland bjóðað seg fram.
Tað sigur franski verjumálaráðharrin, Sebastien Lecornu, sambært Reuters.
Umframt at steðga vápnahjálpina til Ukrana, frættist í gjár, at USA eisini steðgar fregnartænastuhjálpini til landið.
Ukraina og USA hava annars samstarvað um fregnartænastuvirksemi.
- Tí kemur tað dátt við hjá ukrainska herinum, at USA nú steðgar fregnartænastuhjálpini til Ukraina, veit Reuters at siga.
