- Í samband við, at Vestmanna kommuna skal lata inn kommunala ferðavinnuætlan til landið, verður bjóðað til fundar.
Soleiðis siga tey í Vestmanna kommunu í dag.
Sagt verður, at fundurin er ætlaður øllum jarðareigarum í bygdini og ferðavinnuaktørum, ið selja túrar - ella sum ætla sær at fara undir virksemi við túrum í Vestmanna.
- Á skránni verður kunning um ferðavinnuætlanina og lagt verður upp til prát og viðmerkingar á fundinum, sum verður í Miðhøllini hóskvøldið 27. november klokkan 19.30.
Lagt verður aftrat, at kaffi og okkurt søtt undir tonna verður at fáa.
