Fyrsta umfar í kappingini um løgmanssteypið verður ídag. Sjey dystir eru, og tríggir teirra eru millum lið í bestu deildini. Meistararnir í Víkingin eru ikki við ídag, tí teir vórðu í lutakastinum drignir sum tað seytjanda liðið.
KÍ er á veg suður at spæla ímóti Suðringum. Í triðja umfari í landskappingini hittust hesi bæði liðini í Trongisvági. Hetta var annan apríl, og KÍ vann 1-0.
NSÍ fær vitjan av AB. Hesi bæði liðini hava ikki enn dystast í landskappingini. Tað verður longu sunnudagin, tá ið AB eigur heimavøll.
Skála fær í kvøld vitjan av 07 Vestur. Hesi bæði liðini hittast ikki í landskappingini fyrrenn annan sunnudag. Tað verður eisini á Skála.
Kappingin fevnir um fýra umfør. Finalan verður leygardagin 25. august, og vinnarin vinnur sær rætt at luttaka í europeiskum fótbólti næsta summar.
Fyrsta umfar
Í dag
ÍF – B36: Rani A. Skaalum kl. 16.00
NSÍ – AB: Rúni Gaardbo kl. 17.00
B68 – HB: Áron Sofus Vest kl. 15.00
Skála – 07 Vestur: Kári J. á Høvdanum kl. 18.00
Undrið – EB/Streymur: Rúni Olsen kl. 16.00
B71 – Giza Hoyvík: Bent Tommy Linklett kl. 15.00
Suðringar – KÍ: Dagfinn Forná kl. 15.00
