Katrin Poulsen gevst nú vegna aldur, eftir at hon hevur verið í starvi hjá Nes kommunu í samfull 35 ár.
Hon varð sett sum dagrøktarleiðari í 1986, og hon var í hesum starvi fram til 2016, tá dagrøktin varð niðurløgd, tí vøggustova kom í barnagarðinum.
Sostatt var Katrin Poulsen dagrøktarleiðari í Nes kommunu í samfull 30 ár, og seinastu fimm árini hevur hon starvast í barnagarðinum á Toftum.
Á lítlari samkomu í morgun hugleiddi Súni í Hjøllum, borgarstjóri í Nes kommunu, um gongdina og stóru broytingina innan barnaansing.
Borgarstjórin hugleiddi eisini um útbyggingar í Nes kommunu í hesum sambandi seinastu 35 árini.
##med2##
Súni í Hjøllum handaði Katrini Poulsen blómur og takkaði henni vegna kommununa fyri bæði trúgva og drúgva tænastu.
Borgarstjórin ynskti eisini henni og familjuni framhaldandi blíðan byr og Guðs signing á lívsleiðini.
