Goodison basti Mancini

Manchester City tapti greitt á einum væl uppløgdum Everton-liði, sum fekk dyggan stuðul frá einum kókandi Goodison Park. Hetta var fyrsta tapið hjá Mancini, sum í dystinum skifti dýrasta keypið í Onglandi nakrantíð – inn og út!

Tróndur Arge

18.01.2010 (13:11)

<style type="text/css">  </style>  Tað luktar av steiktum pylsum og burgarum, eitt betongverk klætt lýsingum, og fert tú inn í skeivu hurðina, endar tú í kjallaranum hjá onkrum scousara… Vælkomin til Goodison Park við Sosialinum! Goodison Park er heimavøllurin hjá Everton, sum hevur heimstað í býnum Liverpool. Eins og Anfield, so liggur Goodison mitt í einum búðstaðarøki. Tú skalt bara yvir um vegin, so kanst tú banka uppá hjá onkrum av teimum lokalu, sum bera eyknevnið “scouser.” Everton hevur ætlanir um at byggja ein nýmótans leikvøll, men so seint sum í jólamánaðinum fingið teir reytt ljós frá kommunini. Ein annar møguleiki er at byggja ein leikvøll saman við grannunum úr Liverpool FC. Har hevur komunan játtað at stuðla, men tað dámar einki viðhaldsfólkinum. Á veg til dystin sigur hýruvognsførarin, sum er Everton-viðhaldsmaður, at hann hevði ikki havt nakað ímóti at deilt ein leikvøll við grannarnar, um tað hevur ein stóran fíggjarligan vinning fyri Everton. Av teimum, sum Sosialurin tosaði við, var hann tann einasti, ið helt at tað var eitt gott hugskot. Hini tosaðu ikki pent um grannarnar, men brúktu orð sum »Fat chance« og »Never ever gonna happen«. At onnur eisini hava fingið við, at nýggjur leikvøllur er eitt sindur av einum stríðsmáli í Liverpool, prógvaðu viðhaldsfólkini hjá Manchester City, tá tey sungu: »CHANG reads: Can’t Have A New Ground«. CHANG er høvðusstuðulin hjá Everton… <o:p> </o:p> Sera stutt frástøða<o:p></o:p> Ein av fyrimuninum við teimum »gomlu« leikvøllunum er stemningurin. Áskoðarnir eru kroystir saman og tað er stutt frá síðulinjuni til áskoðararnar. Tað fekk fyrrverandi Manchester United-spælarin, Phil Neville, at kenna í seinna halvleiki. Hann spældi á høgra bakki og fram við síðulinjuni, og har sótu allir City-áskoðararnir. Teir góvu ilt av sær, hvørja ferð Neville var í hornatøkum ella skuldi kasta innkast í tí økinum. Hinvegin so vóru Everton áskoðarnir eisini skjótir at stuðla Neville tá hann kom í óføri. Ein afturgangandi vansi við teimum gomlu leikvøllunum er beinplássið. Tað ber næstan ikki til at seta seg niður, so stutt er fram til setrið frammanfyri. Eisini hevur Goodison fleiri stórar stálbjálkar, sum taka ein part av útsýninum. Tað var næstan sum at sita í »bygdaskýlinum« í Gundadali. <o:p> </o:p> Fellaini gekk undan<o:p></o:p> Eitt, sum vanligi viðhaldsmaðurin í Onglandi setur stóran prís á er »fight«. Ein spælari, sum kempar og kastar seg í hvønn nærdyst, vinnur skjótt virðing. Tað var júst tað, ið 22 ára gamli Marouane Fellaini hjá Everton gjørdi. Hann er stórur av vøkstri og hevur stórt eykent »afro-hár«. Belgiski landsliðsspælarin tók ræðið á miðvøllinum beinanvegin, og fleiri ferðir vísti hann sína dygdir í luftspælinum. Tað vóru serliga tvær støður, har Fellaini fekk Goodison at reisa seg, og í báðum førum var tað Craig Bellamy, sum tað gekk útyvir. Fyrst streyk Bellamy avstað frá tveimum Everton-spælarum heilt úti í vinstru síðu, men sum eitt tanks kom Fellaini trumlandi út ímóti síðulinjuni og kastaði seg niður í eina glíðandi takling og vann bóltin. Seint í seinna hálvleiki setti Fellaini aftur sín dám á dystin, tá hann fangaði bóltin frá Bellamy. Í besta Zidane-stíli trakkaði hann á bóltin og mól rundan um seg sjálvan og Bellamy – til stóra gleði fyri Goodison. <o:p> </o:p> Robinho inn og út<o:p></o:p> Eins og angurin av steiktum pylsum hoyrir við til at fara til fótbóltsdyst í Onglandi, so er háðan av mótstøðuni eisini ein partur av spælinum. Tað slap Robinho at hoyra fyri. Fyrst bleiv hann skiftur inn tíðliga í fyrra hálvleiki, men í seinna hálvleiki valdi Mancini at skifta hann útaftur. Tað var til stóra gleði fyri áskoðararnar hjá Everton, sum allir reistust og veittraðu til Robinho, meðan hann skuffaður gekk av vøllinum. Robinho er upp á nógvar mátar ímyndin av nýggja Manchester City. Hann var fyrsta keypið, eftir at Sheik Mansour kom til felagið, og hann er framvegis dýrasta keypið í Onglandi. Meðan Manchester City støðugt hevur ment seg, so peikar pílurin øvugtan veg hjá fyrrverandi Real Madrid-spælaranum. Dysturin endaði annars við, at Everton vann uppiborið 2-0. Steven Pienaar og Louis Saha skutu málini. Manchester City tapti fyri fyrstu ferð við Roberto Mancini sum venjara. Og so kundu viðhaldsfólkini hjá Everton syngja fyri gestunum: »What the score Lescott…«<o:p></o:p>

Goodison basti Mancini

Mest lisið

Her lótu brøðurnir Diogo og André lív

Myndir: Víkingur - Kí

Liverpool-leikari deyður

Ukraina: - Hetta er pínufult

Eftirlýsa tveir bilar eftir ferðsluóhapp

Torkil Tórgarð verður nýggjur stjóri á Føroya Fólkaháskúla

EM: Svøríki vann á Danmark og Týskland vann á Póllandi

VIDEO: Brasilska Fluminense vann seg í HM-hálvfinaluna

Leygardagur er stóri dagurin á varmakeldu

H71 er í trimum finalum í Partille Cup