Betriheim seldi í dag eitt grundstykki í Traðabrekku í Havn fyri 2,5 milliónir krónur.
Talan er um eitt grundstykki í vanligari stødd, sum 534 fermetrar. Tað var boðið út til 2,5 milliónir krónur.
Fyrstu boðini vóru lægri enn útboðsprísurin, men tá síðsta boðið gekk út klokkan 11:30 í morgun fór stykkið 2,5 milliónir krónur, sum var tað, ið seljarin vildi hava fyri stykkið.
Fyrrverandi eigarin keypti stykkið í 2015 fyri 1,2 milliónir krónur, og hevur hann soleiðis havt góð 108 prosent í vinningi – sum kanska ikki liggur so langt frá prísvøkstirnum á grundstykkjum og húsum í Havn seinastu seks árini.
Í gjár kunngjørdi Betri Banki, at at tað framvegis er nógv ferð á bústaðarmarknaðinum nú 1. ársfjórðingur í 2021 er farin afturum.
##med2##
– Miðal sethúsaprísirnir í Tórshavn og í Klaksvík vóru ávikavíst 3,6 og 2,3 mió. í 1. árfjórðingi. Hetta er ein vøkstur á 9% og 12% samanborið við miðalprísin í 2020. Eisini í Eysturoynni eru prísirnir nógv hækkaðir. Miðalprísurin í Eysturoynni var 1,7 mió. Hetta er ein vøkstur á 12% samanborið við miðalprísin í 2020.
Miðalprísurin í Føroyum var 2,4 mió. fyri 1. ársfjórðing. Hetta er ein vøkstur á heili 20% samanborið við miðalprísin í 2020.
##med3##
