Tað gongur framúr væl hjá Gunnari Vatnhamar og liðfeløgunum í Víkingi Reykjavík í bestu íslendsku fótbóltsdeildini.
Gunnar var við frá byrjan og spældi allan dystin, tá hann og liðfelagarnir á heimavølli vunnu 2-0 á FH, ið hevur gamla HB-venjaran, Heimir Guðjónsson sum høvuðsvenjara.
Víkingur skoraði bæði málini tíðliga í dystinum.
Víkingur Reykjavík 2 - 0 FH
1-0 Birnir Snær Ingason ('6)
2-0 Nikolaj Hansen ('22)
Víkingur er fremst í deildini við fullum stigatali, 21 stig fyri sjey dystir.
Komandi sunnukvøld spælir Víkingur á útivølli móti HK í Kópavogi.
