Gerry og Kate McCann hava framvegis vón um at finna Madeleine aftur á lívi, hóast eingin hevur sæð hana ella hoyrt frá henni, síðani hon hvarv í Portugal tann 3. mai í fjør.
-Vit vóna at finna hana á lívi, men er hon deyð, vilja vit hava tað at vita, sigur Kate McCann við bretska blaðið Daily Mirror. Hon vísir á, at tær flestu metingarnar siga, at Madeleine er á lívi, og at tað er einki í løgreglufrágreiðingunum, sum bendir á, at nakað álvarssamt skal vera hent gentuni.
Í samrøðuni við Daily Mirror avdúka Gerry og Kate McCann, at tey hava brúkt næstan 10 milliónir krónur til leitingina eftir Madeleine.
-Tað eru nógvir pengar, men eitt barn hevur ongan prís, sigur Kate McCann við blaðið.
