Tórshavnar kommuna hevur gjørt av, at ávísur partur av hvørjari stórari verkætlan skal brúkast til listprýði. Hetta er gjørt í Skúlanum við Løgmannabreyt, verður gjørt í Skúlanum á Argjahamri og nú eisini í Fimi.
Uppskotið hjá Guðrið Poulsen vann kappingina, men øll hini verkini vórðu sýnd fram á framsýning í Fimi í januarmánaði, og tað var í hesum sambandi, at lesarar kundu siga sína hugsan.
Á fyrsta plássi kom Heðin Ferjá Heldarskarð við 42 prosentum, á øðrum plássi Ole Wich við 21,7 prosentum meðan fýra onnur komu á triðja pláss.
