Herverk við graffitti er gjørt á Kongshúsið og tjóðartingið í Noregi.
Sambært norska blaðnum Avisa Oslo hevur onkur teknað neongrøn "friðarmerki" á kendar bygningar í miðbýnum í Oslo.
Umsitingin hjá norska stórtinginum hevur váttað fyri NRK, at vakmyndatólið hjá tinginum uppdagaði herverkið á Løvebakken uttan fyri Stórtingið leygarmorgunin.
Eitt neongrønt friðarmerki er eisini málað á Karl Johan-standmyndina framman fyri slottið hjá kongsfamiljuni og á eitt træ við Akerhus-bygningin.
Átaksleiðarin Per-Ivar Iversen sigur við NRK, at tað er ikki greitt, hvør bar graffitidósina.
- Vit arbeiða við at fáa videotilfar frá økjunum fyri at síggja, hvat vit kunnu velja út. Tað veldst um, hvussu góðar tær einstøku myndirnar eru, sigur hann.
NRK skrivar, at vandalisman av standmyndini á Løvebakken hendi fríggjakvøldið.
Leiðarin á trygdardeildini hjá Stórtinginum, Pål Munck, kallar vandalismuna fyri "fullkomiliga óneyðuga".
- At gera seg inn á leyvuna hjá Stórtinginum er púra óneyðugt. Tað er vandalisma, og vit halda ikki, at tað er nakað serligt.
Vit fara at greiða frá málinum. Vit hava bara brúk fyri einum yvirliti yvir tað, sigur Munck.
Hann sigur eisini, at hjálp er bíløgd frá einum uttanhýsis felag at fáa graffiti burtur. Munck væntar, at tað verður tikið burtur í dag.
/Ritzau/
