Tey 14 føroysku partafeløgini, sum lata mest í vinningsbýti í 2015, hava goldið út 576 milliónir krónur til sínar partaeigarar.
Tølini eru úr dátusavninum hjá vinnuvitan.biz. Men av tí, at freistin fyri at lata roknskapir inn ikki er farin enn – og av tí, at nógvir roknskapir vanta at koma inn í skipanina, so kunnu tølini broytast.
Men tað felagagið, sum hevur goldið mest út í vinningsbýti er sum vera man Bakkafrost, sum er so nógv tað størsta og sterkasta partafelagið í Føroyum – og sum eisini í norskum og altjóða mátistokki telist millum størstu alifeløg í heiminum.
Partaeigararnir í Bakkaforst fingu tilsamans góðar 403 milliónir krónur í vinningsýti fyri roknskaparárið 2015.
Næst Bakkafrost er P/F Varðin í Gøtu, sum hevur goldið sínum eigarum 37 milliónir krónur í vinningsbýti. Og á triðja plássi er Smyril Line, sum hevur goldið sínum partaeigarum 30 milliónir krónur í vinningsbýti.
Listin yvir størstu vinningsbýti soleiðis út:
1 | Bakkafrost P/f | 403.079.000 |
2 | Varðin P/f | 37.000.000 |
3 | Smyril-Line P/f | 30.000.000 |
4 | Føroya Tele Samtak | 25.000.000 |
5 | NOTIO Framtaksfelag P/f | 19.000.000 |
6 | Magn P/f | 9.000.000 |
7 | Bilasølan P/f | 8.000.000 |
8 | Von P/f | 8.000.000 |
9 | Advokatfelagið við Strond 4 Í/f | 7.235.000 |
10 | Matas Tórshavn P/f | 7.000.000 |
11 | Nolsø Shipping Sp/f | 6.600.000 |
12 | Tavan Sp/f | 6.000.000 |
13 | S. M. S. P/f | 5.300.000 |
14 | Svend Krosstein P/f | 5.000.000 |
