Soleiðis siga tey í Sørvágs kommunu.
- Vit skulu við hesum minna á, at tað ikki er loyvt, at hundur gongur leysur uttan leiðara, sum hevur fult ræði á honum.
Mannagongdin viðvíkjandi leysgangandi hundum er, at løgreglan skal fráboðast.
- Løgreglan boðar so aktingarmanninum frá, sum tekur hundin upp og boðar politistøðini nærri frá upptøkuni í serligum skjali.
Í Sørvágs kommunu heita tey eisini á allar hundaeigarar, sum fara túr við hundi av egnum øki, um at hava plastikkposa við og taka hundalortarnar upp.
- Víst verður til samstarvsavtaluna millum Føroya Landfúta og Sørvágs kommunu, verður lagt aftrat.
