Tað upplýsir franska innlendismálaráðið sambært AFP.
Stórar mannamúgvur savnaðust í franska høvuðsstaðnum at hátíðarhalda sigurin hjá PSG á Arsenal í Champions League-finaluni, men fleiri staðni kyknaði ófriður.
Løgreglan nýtti táragass móti fólkamongdunum, og sambært AFP vórðu tilsamans 416 fólk handtikin kring Frakland.
Samanstoytir vóru millum annað kring leikvøllin hjá PSG í vestara parti av Paris, har meira enn 40.000 áskoðarar fylgdu finaluni á stórskíggja.
Franskir myndugleikar høvdu fyrireikað seg væl til kvøldið og høvdu sent 22.000 løgreglufólk út um landið, harav 8.000 vóru í Paris.
Á Champs-Élysées-breytini savnaðust umleið 20.000 PSG-viðhaldsfólk. Flestu hátíðarhildu friðarliga, men skaðar vórðu kortini framdir á fleiri bilar og handlar.
Sambært løgregluni vórðu seks akfør og tvey handilshøli skadd.
Í fjør doyðu tvey fólk, og nærum 200 vórðu særd, tá PSG vann Champions League á fyrsta sinni.
PSG vann finaluna móti Arsenal eftir brotssparkskapping. Dysturin endaði 1-1 eftir vanliga og longda leiktíð.
