Tað skrivar ráðharrin sjálvur á X sambært Reuters.
Í fráboðanini sigur hann, at hann hevur sent forsætisráðharranum, Narendra Modi, fráfaringarskriv.
– Eg havi djúpa virðing fyri vónunum, kenslunum og lógligu væntanunum hjá teimum ungu í India, skrivar Dharmendra Pradhan.
Mótmælini hava savnað túsundtals ung kring alt landið og eru skipað av rørsluni Cockroach Janta Party, eisini nevnd kakerlakkarørslan.
Rørslan varð stovnað í mai, eftir at upptøkuroyndin til læknalesnað varð likin.
Meira enn tvær milliónir umsøkjarar vórðu noyddir at taka royndina umaftur. Sambært familjum hjá lesandi hava meira enn 20 ung fólk tikið lívið av sær orsakað av trýstinum, skrivar BBC.
Løgreglan nýtti leygardagin táragass fyri at royna at upploysa nýggj mótmæli í høvuðsstaðnum New Delhi.
Men tá boðini komu um, at ráðharrin hevði lagt frá sær, broyttust mótmælini til fagnaðarløtur, vísa myndir úr býnum.
Mótmælini hava vart síðani juni og eru seinastu dagarnar vorðin ein av størstu politisku avbjóðingunum hjá forsætisráðharranum Narendra Modi.
Rørslan finst ikki bara at próvtøkumálinum, men eisini at arbeiðsloysi, vánaligum framtíðarmøguleikum hjá ungum og tí, hon lýsir sum ein alsamt meira einræðisligan stjórnarhátt.
