Fólkatingsmaðurin Jens Rohde hevur meldað seg úr Radikala Vinstra flokkinum, upplýsir hann í morgun á Facebook.
Sambært Jens Rohde, sum hevur verið tinglimur fyri Vinstra, fer hann úr Radikala Vinstra flokkinum, tí flokkurin ikki longur í nóg stóran mun leitar sær ávirkan.
Á Facebook skrivar hann millum annað:
– Fyri at skerpa profilin hjá Radikala Vinstra, fekk flokkurin sær fyri tveimum árum síðani ein konsulent.
– Tað var fínt til valstríðið, tá bert eitt var at gera, at seta fokus á at fáa fleiri atkvøður, tí flokkurin lá og rótaði niðri á fimm prosentum í veljarakanningum.
– Eg haldi, at tað hendi nakað við flokkinum ta tíðina. Tað er sum um flokkurin enn er í einum valstríði. Tað ger uppgávuna at liggja á miðjuni trupula.
Hann sigur tó einki um, hvørt hann ætlar sær úr Fólkatinginum, halda fram sum leysgangari ella velur okkurt heilt annað.
/ritzau/
