Á almennum býráðsfundi hin 28. mai varð ársroknskapurin hjá Fuglafjaraðar kommunu fyri 2025 góðkendur, og úrslitið eftir rakstur var eitt avlop á 25,5 milliónir krónur.
- Samlaðu nettoíløgurnar í 2025 vóru 39,6 milliónir. Í fíggjarætlanini varð roknað við einari nettoíløgu á 46 milliónir krónur. Íløgurnar í 2025 vóru sostatt 6,4 milliónir minni enn játtað.
Í Fuglafjarðar kommunu siga tey, at nakrar verkætlanir fóru yvir um ár, sum tey rópa tað.
- Úrslitið eftir rakstur og íløgur (RLÚ) var -13,9 milliónir.
Sagt verður, at hækkingin í inntøkunum stavar eina mest frá A og B-skatti.
- Samlaðu rakstrarútreiðslurnar í 2025 vóru 96 milliónir og soleiðis 3,6 milliónir hægri enn mett í fíggjarætlanini.
Víst verður á, at meirnýtslan stavar frá fleiri økjum, eitt nú størri tørvi á eldraøkinum og nakað lægri nettoinntøku hjá Fuglafjarðar havn.
- Gjaldførisúrslitið (RLÚ) gjørdist -13,9 milliónir móti 4 milliónum í 2024, og í fíggjarætlanini varð roknað við einum gjaldførishalli á -23,8 milliónir krónur.
##med2##
Sostatt gjørdist gjaldførisúrslitið hjá Fuglafjarðar kommunu 10,9 millónir krónur betri enn mett í fíggjarætlanini.
- Rakstur og íløgur á øki 2, sum er almanna & heilsumál og øki 3, børn & ung, fara við 43% av allari fíggjarætlanini í 2025 móti 48% í 2024
Lagt verður aftrat, at við árslok 2025 var kommunuskuldin 60%, av eini skattaálíkning móti í 52% í 2024
- Ein skattaálíkning eru inntøkur A og B skattur, pluss eftirlønarskattur og flyting vegna DIS/FAS, siga tey í Fuglafjarðar kommunu.
